ఆయన రాక కోసమే మా ఎదురుచూపు.. కేసీఆర్కు ఎంపీ ‘చామల’ కౌంటర్
దిశ, తెలంగాణ బ్యూరో : మాజీ సీఎం, బీఆర్ఎస్ అధినేత కేసీఆర్రాక కోసం తామంతా ఎదురుచూస్తున్నామని భువనగిరి ఎంపీ చామల కిరణ్కుమార్రెడ్డి అన్నారు. శనివారం గాంధీ భవన్లో ఏర్పాటు చేసిన మీడియా సమావేశంలో ఎంపీ చామల కిరణ్కుమార్రెడ్డి అసెంబ్లీలో కాంగ్రెస్ను ఎండగడుతామన్న మాటలపై కేసీఆర్కు కౌంటర్ఇచ్చారు. ఆయన వస్తేనే అన్ని విషయాలు బయటకు వస్తాయని పేర్కొన్నారు.
‘‘కేసీఆర్ ఫాం హౌస్ లో కార్యకర్తల తో మాట్లాడుతూ.. ఓపిక నశించింది.. కాంగ్రెస్ ను అసెంబ్లీ కి వచ్చి ఎండగడుతా అంటున్నారు,’’అని ఎంపీ తెలిపారు. నిజానికి తాము ఎప్పడి నుంచి కేసీఆర్ రాక కోసం వేచి చూస్తున్నామని ఈసందర్భంగా పేర్కొన్నారు. ఆయన దౌర్భాగ్య పాలన ఫలితమే ఇదని విమర్శించారు. బీఆర్ఎస్తప్పులు మాఫీ చేసే అక్షయ పాత్ర ప్రభుత్వానికి లేదన్నారు. ఊహాగానాల తో ప్రభుత్వంపై తప్పుడు ప్రచారం చేస్తున్నారన్నారు. ప్రజా పాలన లో ప్రజలు మంత్రులను స్వేచ్ఛగా కలిసే అవకాశం ఉందని, గతంలో బీఆర్ఎస్ ప్రభుత్వంమాదిరి తాము ఎవరిని అడ్డుకోబోమని ఈసందర్భంగా ఎంపీ చామల కిరణ్ కుమార్రెడ్డి స్పష్టం చేశారు.
