ఆ విచిత్ర ఆకారాలు ఏంటి ?

దిశ,డోర్నకల్ : డోర్నకల్ పట్టణ కేంద్రంలో శుక్రవారం అర్ధరాత్రి ఓ వింత ఆకారం సీసీ కెమెరాకు చిక్కింది. దీనిపై ఎవరికి తోచింది వారు ప్రచారం చేస్తున్నారు. వివరాల్లోకి వెళితే.. ప్రముఖ వ్యాపారి, కాంగ్రెస్ నాయకులు మాదా శ్రీనివాస్ కూరగాయల మార్కెట్ వద్ద సీసీ కెమెరాలో ఓ వింత ఆకారం నిక్షిప్తమైంది. అర్ధరాత్రి రెండు గంటల ప్రాంతంలో ఈ దృశ్యం కనిపించింది.

రోజు మాదిరిగా ఉదయం మాదా శ్రీనివాస్ సీసీ కెమెరాలు పరిశీలిస్తుండగా ఈ ఆకారాలు కంటపడ్డాయి. అందులో మసీదు వద్ద పైనుంచి ఓ తెల్లని ఆకారం, అందులో మనిషి లాంటి కదిలే నీడ కనిపించాయి. కొందరు అవి గ్రహాంతరవాసులు (ఏలియన్స్) అని ప్రచారం చేస్తుండగా, మరికొందరు సీసీ కెమెరాలో టెక్నికల్ ప్రాబ్లం వల్ల ఇలా జరిగి ఉండవచ్చు అని అభిప్రాయపడుతున్నారు. ఏది ఏమైనా పట్టణంలో ఏ నోట విన్నా ఇదే మాట వినిపిస్తుంది.