కాంగ్రెస్ పార్టీని ఆదరించండి.. యశస్విని రెడ్డిని గెలిపించండి : ఝాన్సీ రెడ్డి

దిశ, రాయపర్తి : పాలకుర్తి నియోజకవర్గం నీ అభివృద్ధి పరిచేందుకు కాంగ్రెస్ పార్టీ అభ్యర్థి యశస్విని రెడ్డిని అత్యధిక మెజార్టీతో ఆదరించి ఓటు వేసి గెలిపించాలని పాలకుర్తి కాంగ్రెస్ పార్టీ ఇంచార్జ్ హనుమాండ్ల ఝాన్సీ రెడ్డి కోరారు. ఎన్నికల ప్రచార కార్యక్రమంలో భాగంగా ఆదివారం మండలంలోని జగన్నాధ పల్లి ఊకల్ బాలాజీ తండా కటికల్లు గ్రామాలలో కాంగ్రెస్ పార్టీ ఆధ్వర్యంలో ఇంటింటి ప్రచారం నిర్వహించారు. ఈ సందర్భంగా ఝాన్సీ రెడ్డి మాట్లాడుతూ ప్రజలు కాంగ్రెస్ పార్టీ వైపే చూస్తున్నారని పాలకుర్తిలో కాంగ్రెస్ జెండా ఎగరేసేందుకు కార్యకర్తలు సిద్ధంగా ఉండాలన్నారు.

రాష్ట్రంలో కాంగ్రెస్ పార్టీ అధికారంలోకి రాబోతుందని ఆమె ధీమా వ్యక్తం చేశారు. బీఆర్ఎస్ కుటుంబ పాలనకు ప్రజలు చరమగీతం పాడాలన్నారు. ప్రజాసేవ చేసేందుకు ప్రత్యక్షంగా రాజకీయాల్లోకి వచ్చామని అందుకు ప్రజలు పెద్ద ఎత్తున ఆశీర్వచనలు అందించి ఆదరించి యశస్విని రెడ్డిని గెలిపించాలని ఆమె కోరారు. ఈ కార్యక్రమంలో నాయకులు బ్లాక్ కాంగ్రెస్ అధ్యక్షుడు జాటోత్ హామ్య నాయక్, నంగునూరు అశోక్, పెండ్లి మహేందర్ రెడ్డి, మాచర్ల ప్రభాకర్, రెంటల గోవర్ధన్ రెడ్డి, ఏసి రెడ్డి, శ్రీనివాస్ రెడ్డి, కృష్ణారెడ్డి, విక్రమ్ రెడ్డి, తదితరులు పాల్గొన్నారు.