ఎమ్మెల్యే తాటికొండ రాజయ్యకు నిరసన సెగ (వీడియో)

దిశ, జఫర్‌గడ్: జనగామ జిల్లా జఫర్‌గడ్ మండలం ఓగులాపూర్ గ్రామంలో ఏర్పాటు చేసినటువంటి పింఛన్ , దళితబంధు, చీరల పంపిణీ కార్యక్రమంలో ఎమ్మెల్యే తాటికొండ రాజయ్యకు గ్రామస్తుల నిరసన సెగ ఎదురైంది. దళిత బంధు విషయంలో ఎమ్మెల్యే అనుచరులు చేతివాటంతో అర్హులైన లబ్ధిదారులకు అన్యాయం జరుగుతుందని గ్రామస్తులు నిలదీశారు. అర్హులైన లబ్ధిదారులకు దళిత బంధు ఇవ్వాలని గ్రామస్తులు పెద్ద ఎత్తున ఆందోళన చేపట్టారు. ఎమ్మెల్యే అనుచరులు అడ్డువచ్చిన వారిని పత్రిక విలేఖరి అని చూడకుండా ఇష్టమొచ్చిన రీతిలో దుర్భాషలాడరు.