మంత్రి సీతక్కను కలిసిన మండల కాంగ్రెస్ నాయకులు

దిశ, మంగపేట : రాష్ట్ర గిరిజన సంక్షేమ శాఖ మంత్రి దనసరి అనసూయ (సీతక్క)ను మండల కాంగ్రెస్ పార్టీ నాయకులు హైద్రాబాద్ లోని ఆమె నివాసంలో కలిసి శుభాకాంక్షలు తెలిపారు. ఎస్టీ సెల్ జిల్లా అద్యక్షుడు గుమ్మడి సోమయ్య, సీతక్క యువసేన మండల అద్యక్షుడు సీద్దాబత్తుల జగదీశ్ ల ఆధ్వర్యంలోని నాయకులు గురువారం లాల్ బహదూర్ స్టేడియంలో జరిగిన మంత్రివర్గ ప్రమాణ స్వీకారానికి తరలి వెళ్లారు.

అనంతరం సీతక్కను శుక్రవారం కలిసి ముఖ్యమంత్రి రేవంత్ రెడ్డి మంత్రివర్గంలో క్యాబినెట్ మంత్రిగా పదవి దక్కడంతో శుభాకాంక్షలు తెలిపారు. కార్యక్రమంలో జగన్ మోహన్ రెడ్డి, అయ్యోరి యానయ్య, ఆకు పవన్, భగవాన్ రెడ్డి, గూడబోయిన సురేష్, పెద్ది నర్సింహారావు, చందర్లపాటి శ్రీనివాసరావు, మహిమూద్, సత్యనారాయణ, నూకల రాజేష్, అజార్, తాలూకా సంపత్ తదితరులు పాల్గొన్నారు.