TSPSC:గుడ్ న్యూస్ ఆ రెండు పరీక్షల షెడ్యూల్ రిలీజ్
దిశ,వెబ్ డెస్క్:టీఎస్పీఎస్సీ నుంచి మరో గుడ్ న్యూస్ వచ్చింది. నిరుద్యోగులు ఎప్పుడెప్పుడా అని ఎదురు చూస్తున్న DAO,HWO పరీక్షల షెడ్యూల్ విడుదలైంది.53 పోస్టులతో విడుదలైన డివిజనల్ అకౌంట్స్ ఆఫీసర్ పరీక్ష జరిగిన పేపర్ లీక్ కావడంతో ఆ ఎగ్జామ్ ని రద్దు చేసిన విషయం తెలిసిందే.అంతేకాదు డీఏఓ పరీక్ష రద్దు అయినప్పటి నుంచి ఒక్కసారి కూడా దాని గురించి ఎటువంటి అప్డేట్ రాలేదు.తాజాగా పరీక్ష షెడ్యూల్ విడుదల కావడంతో నిరుద్యోగుల ఆశలు చిగురించాయి.
డివిజనల్ అకౌంట్స్ ఆఫీసర్(డీఏఓ-గ్రేడ్ 2), హాస్టల్ వెల్ఫేర్ ఆఫీసర్ (HWO)పరీక్షల తేదీలను TSPSC విడుదల చేసింది. జూన్ 24న HWO అర్హత పరీక్షను నిర్వహించనుంది. జూన్ 30న ఉదయం,మధ్యాహ్నం రెండు సెషన్ల లో డివిజనల్ అకౌంట్స్ ఆఫీసర్ పరీక్షలను నిర్వహించనుంది.ఈ రెండు పరీక్షలు CBRT విధానంలో నిర్వహిస్తామని వెల్లడించింది. పరీక్షలకు సంబంధించిన హాల్ టికెట్లను ఎగ్జామ్స్ కి వారం రోజుల ముందు నుంచే tspsc.gov.in వెబ్ సైట్ నుంచి డౌన్లోడ్ చేసుకోవచ్చు.
