'చావు నోట్లో తలపెట్టి రాష్ట్రం సాధించిన గొప్ప వ్యక్తి కేసీఆర్'

దిశ, వెబ్‌డెస్క్: తెలంగాణ బీజేపీ రాష్ట్ర అధ్యక్షుడు బండి సంజయ్‌పై జనగామ టీఆర్ఎస్ ఎమ్మెల్యే ముత్తిరెడ్డి యాదగిరి రెడ్డి ఆసక్తికర వ్యాఖ్యలు చేశారు. కేసీఆర్‌ను విమర్శించే స్థాయి బండి సంజయ్‌కు లేదని ఎద్దేవా చేశారు. స్వరాష్ట్ర ఏర్పాటు కోసం చావు నోట్లో తలపెట్టిన గొప్ప వ్యక్తి కేసీఆర్ అని కొనియాడారు. తెలంగాణ ఉద్యమంలో బీజేపీ నేతలు ఏం దీక్షలు చేశారో, ఏం ప్రాణత్యాగం చేశారో చెప్పాలని డిమాండ్ చేశారు. మొదటినుంచి తెలంగాణపై కేంద్రం చిన్నచూపు చూస్తోందని మండిపడ్డారు. మెడికల్ కాలేజీల మంజూరులో తెలంగాణకు మొండిచెయ్యి చూపిందని అసహనం వ్యక్తం చేశారు.