Revanth Reddy: వారందరికి ప్రత్యేక ధన్యవాదాలు.. సీఎం స్పెషల్ ట్వీట్
దిశ, డైనమిక్ బ్యూరో: వీదేశీ పర్యటన ముగించుకొని తెలంగాణకు చేరుకున్న సీఎం రేవంత్ రెడ్డికి కాంగ్రెస్ నాయకులు, అభిమానులు గ్రాండ్ వెల్ కం చెప్పారు. దీనిపై రేవంత్ రెడ్డి స్పందిస్తూ స్పెషల్ ట్వీట్ చేశారు. ఈ సందర్భంగా మన బిడ్డల కొలువుల కోసం, మన రాష్ట్రానికి పరిశ్రమల కోసం, ఫ్యూచర్ స్టేట్ గా తెలంగాణ బ్రాండింగ్ కోసం, అమెరికా, దక్షిణ కొరియాలలో పర్యటించడం జరిగిందని అన్నారు. ఇక పది రోజుల పర్యటన ముగించుకుని రాష్ట్రానికి తిరిగి వచ్చిన సందర్భంగా వెల్లువలా తరలివచ్చి ఘన స్వాగతాభిమానం కురిపించిన కాంగ్రెస్ నాయకులు,కార్యకర్తలకు ఎక్స్ వేదికగా హృదయపూర్వక ధన్యవాదాలు తెలియజేశారు. కాగా తెలంగాణ రాష్ట్రానికి పెట్టుబడులే లక్ష్యంగా ఈ నెల 3న సీఎం రేవంత్ రెడ్డి సహా మంత్రులు, అధికారుల బృందం విదేశీ పర్యటనకు వెళ్లారు. అక్కడ పలు కంపెనీల ప్రతీనిధులతో సమావేశం అయ్యి, పెట్టుబడులకు సంబందించి ఎమ్ఓయూలు కూడా కుదుర్చుకున్నారు. 10 రోజుల పర్యటన విజయవంతంగా ముగించుకొని ఇవాళ ఉదయం హైదరాబాద్ చేరుకున్న సీఎం బృందానికి శంషాబాద్ విమానాశ్రయంలో కాంగ్రెస్ ఎంపీలు, ఎమ్మెల్యేలు, పార్టీ శ్రేణులు ఘన స్వాగతం పలికారు.
