మోడీ 3.0లో సంచలన నిర్ణయం.. 2 కోట్ల ఇళ్ల నిర్మాణంపై కీ డెసిషన్!

దిశ, వెబ్‌డెస్క్: భారతదేశ ప్రధానిగా మోడీ మూడోసారి ఆదివారం రాత్రి ప్రమాణ స్వీకారం చేశారు. ఆయనతో పాటు 72 మందితో కేంద్ర కేబినెట్ కొలువుదీరింది. అయితే నేడు సాయంత్రం 5 గంటలకు ఢిల్లీలోని లోక్ కల్యాణ్ మార్గ్‌లో ఉన్న మోడీ అధికారిక నివాసంలో కేబినెట్ భేటీ కానుంది. తొలి కేబినెట్‌లో కీలక నిర్ణయాలు తీసుకునే చాన్స్ ఉంది. పీఎం ఆవాస్ యోజన కింద అదనంగా 2 కోట్ల ఇళ్ల నిర్మాణానికి కేబినెట్ ఆమోద ముద్ర వేయనున్నట్లు తెలుస్తోంది. అయితే ఉభయసభలను ఉద్దేశించి నేడు ప్రధాని ప్రసంగించనున్నారు. ఈ నెల 20వ తేదీన లోక్ సభ స్పీకర్‌ను ఎన్నుకోనున్నారు. కాగా, మోడీ ప్రధానిగా మూడో సారి ప్రమాణ స్వీకారం చేసిన తర్వాత జరుగుతున్న తొలి కేబినెట్ భేటీ కావడంతో తీసుకునే కీలక నిర్ణయాలపై తీవ్ర ఉత్కంఠ నెలకొంది.