తెలంగాణ ప్రజల ఉసురు తగలకుండాపోదు.. ఆర్ఎస్ ప్రవీణ్ కుమార్

దిశ, డైనమిక్ బ్యూరో : చీమలపాడు ఆత్మీయ సమ్మేళనంలో బాణసంచా పేలుడు ఘటన రాష్ట్ర వ్యాప్తంగా సంచలనంగా మారింది. ఈ ఘటనపై ప్రతిపక్షాలు ఆగ్రహం వ్యక్తం చేస్తున్నాయి. తాజాగా బీఆర్ఎస్ ప్రభుత్వం, సీఎం కేసీఆర్‌పై బీఎస్పీ స్టేట్ చీఫ్ ఆర్ఎస్ ప్రవీణ్ కుమార్ తీవ్ర విమర్శలు చేశారు. తొమ్మిదేళ్లు ఏం వెలగబెట్టారని ఈ ఆత్మీయ సమ్మేళనాలు, కేసీఆర్? అని ఈ సందర్భంగా ఆర్ఎస్పీ ప్రశ్నించారు. మీ అధికార, ధన దాహం కోసం పేదల రక్తాలు ఏరులై పారాల్నా? అని మండిపడ్డారు. ప్రమాదం గురించి తెలిసి సహాయం చేద్దామని వెళ్లిన బీఎస్పీ, మిగతా ప్రతిపక్ష నాయకులని నిర్భందించారని ఆరోపించారు. ఇంతటి ప్రమాదం జరిగిన సీపీఐ, సీపీఎంలు పత్తా లేకుండా పోయాయని విమర్శలు గుప్పించారు. తెలంగాణ ప్రజల ఉసురు మీకు తగలకుండాపోదంటూ ఆర్ఎస్పీ ట్వీట్ చేశారు.

Also Read..

చివరి రక్తం బొట్టువరకు కట్టుబడి ఉంటాం.. సీఎం కేసీఆర్