మహబూబ్‌నగర్ జిల్లాలో రోడ్డు ప్రమాదం.. గుర్తు తెలియని వ్యక్తి మృతి

దిశ, అడ్డాకుల: గుర్తు తెలియని వాహనం ఢీకొని వ్యక్తి మృతి చెందిన ఘటన మహబూబ్‌నగర్ జిల్లాలో చోటుచేసుకుంది. వివరాల్లోకి వెళితే.. అడ్డాకుల మండలం కాటవరం పరిధిలో జాతీయ రహదారిపై ఉదయం 10.30 ప్రాంతంలో గుర్తు తెలియని వాహనం ఓ వక్తిని బలంగా ఢీకొట్టింది. ఈ ప్రమాదంలో గాయపడిన వ్యక్తి అక్కడికక్కడే ప్రాణాలు విడిచాడు. గమనించి స్థానికులు పోలీసులకు సమాచారం అందజేయగా వారు ఘటనా స్థలాన్ని పరిశీలించారు. చనిపోయిన వ్యక్తి వయసు సుమారు 30 ఏళ్ల వయసు ఉంటుందని తెలిపారు. ఈ మేరకు మృతదేహాన్ని భద్రపరిచేందుకు జిల్లా ఆసుపత్రిలోని మార్చురికి తరలించినట్లు ఎస్సై శ్రీనివాసులు తెలిపారు.