సోషల్ మీడియాలో Rega Kantha Rao హాట్ కామెంట్స్
దిశ,మణుగూరు : సోషల్ మీడియా వేదికగా ప్రభుత్వ విప్, పినపాక ఎమ్మెల్యే , బీ ఆర్ ఎస్ పార్టీ జిల్లా అధ్యక్షులు రేగా కాంతారావు చేసిన వ్యాఖ్యలు చర్చనీయాంశంగా మారాయి. ''బేరగాళ్ళు వస్తున్నారు తస్మాత్ జాగ్రత్త.. నన్ను ఎదుర్కొనేందుకు నానా తంటాలు ఏ పార్టీ అయితే లాభం.. ఏ పార్టీ అయితే నష్టం కూడికలు తీసివేతలలో నాయకులు బిజీ.. చివరకు పసుపు పార్టీలో పనికిమాలిన నాయకుని పంపేయత్నం.. బేరగాళ్ళు జోలె పట్టుకుని అదృష్టాన్ని పరీక్షించుకోండి అంటూ రంగులు మార్చే మాటలు.. పినపాక మేధావులు, విద్యార్థులు ఆలోచించండి అభివృద్ధి కావాలా.. అరాచకం కావాలా అంటూ చేసిన వ్యాఖ్యలు ఆసక్తిగా మారాయి. ఫేస్ బుక్‌లో పెట్టిన ఈ పోస్టులు పినపాక రాజకీయాన్ని హీట్ ఎక్కిస్తున్నాయి. ప్రత్యర్ధులపై రేగ బాణాలు ఎక్కుపెడుతూనే పసుపు పార్టీలోకి పనికిమాలిన నాయకుని పంపే ప్రయత్నం లాంటి పోస్టులు హాట్ టాపిక్‌గా మారాయి. ఈ పోస్ట్‌ల కారణంగా జిల్లా వ్యాప్తంగా పినపాక రాజకీయం ఈసారి మరింత రసవత్తరంగా మారనుందనే చర్చ సాగుతోంది.
Read More...
నల్లగొండ నకిరేకల్ వద్ద రోడ్డు ప్రమాదం.. నర్సింగ్ కాలేజీ బస్సును ఢీకొట్టిన లారీ..
