అంబేద్కర్ అవార్డుకు కావలి రాములు ఎంపిక..

దిశ, ఆమనగల్లు : బహుజన సాహిత్య అకాడమీ జాతీయ కమిటీ ఆధ్వర్యంలో 2023వ సంవత్సరానికి జాతీయ అంబేడ్కర్ అవార్డుకు అంబేద్కర్ సంఘం ఉపాధ్యక్షులు కావలి రాములు ఎంపికైనట్లు జాతీయ అవార్డు కమిటీ వారు ప్రకటించారు. అవార్డు సెలక్షన్ కమిటీ నేషనల్ చైర్మన్ జాతీయ అధ్యక్షులు నల్ల రాధాకృష్ణ అవార్డు ఆహ్వాన పత్రాన్ని హైదరాబాదులోని బహుజన సాహిత్య అకాడమీ జాతీయ కార్యాలయంలో అందజేశారు.

ఈ సందర్భంగా రాధాకృష్ణ మాట్లాడుతూ ఎస్సీ, ఎస్టీ, బీసీ మైనార్టీల సాహిత్యాన్ని ముందుకు తీసుకుపోవడం కోసం బహుజన సాహిత్య అకాడమీ వారు ప్రతి ఏటా ప్రజాఉద్యమకారులకు, సంఘ సేవకులకు, రచయితలకు కవులకు, స్వచ్ఛంద సంస్థలకు ఈ అవార్డు అందజేయనున్నట్లు తెలియజేశారు.