దుర్గామాత నిమజ్జనానికి వెళ్లి యువకుడు మృతి

దిశ, శంషాబాద్ : దుర్గామాత నిమజ్జనానికి వెళ్లి యువకుడు కాలుజారి హిమాయత్ సాగర్ లో పడి మృతి చెందిన ఘటన రాజేంద్రనగర్ పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం రాజేంద్రనగర్ పోలీస్ స్టేషన్ పరిధిలోని అత్తాపూర్ మారుతినగర్ లో ఉండే శ్రీకాంత్, మల్లికార్జున్ ఇద్దరు అన్నదమ్ములు నవరాత్రుల సందర్భంగా ఇంట్లో ప్రతిష్టించిన దుర్గామాతకు నవరాత్రుల పూజలు నిర్వహించి గురువారం దుర్గామాత విగ్రహాన్ని నిమర్జనం చేయడానికి హిమాయత్ సాగర్ జలాశయం వద్దకు వెళ్లి నిమజ్జనం చేస్తుండగా శ్రీకాంత్ (26) కాలుజారి హిమాయత్ నగర్ లో పడి అన్న మల్లికార్జున్ చూస్తుండగానే మృతి చెందాడు. అన్నదమ్ముల ఇద్దరికీ ఈత రాకపోవడం వల్ల మృతి చెందాడన్నారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రిక తరలించి కేసు నమోదు చేసి దర్యాప్తు చేస్తున్నట్లు పోలీసులు తెలిపారు.