Revanth Reddy : రేవంత్ రెడ్డికి పవన్ కల్యాణ్ శుభాకాంక్షలు
దిశ, వెబ్‌డెస్క్: తెలంగాణ రాష్ట్ర ముఖ్యమంత్రిగా బాధ్యతలు చేపట్టిన రేవంత్ రెడ్డికి జనసేన అధినేత పవన్ కల్యాణ్ శుభాకాంక్షలు చెప్పారు. ఈ మేరకు సోషల్ మీడియా వేదికగా ప్రకటన విడుదల చేశారు. రేవంత్ రెడ్డితో పాటు మత్రులుగా ప్రమాణం చేసిన వారికి కూడా కంగ్రాట్స్ చెప్పారు.‘రేవంత్ రెడ్డితో నాకు వ్యక్తిగతగా స్నేహం ఉంది. తెలంగాణలో యురేనియం తవ్వకాలను వ్యతిరేకిస్తూ నిర్వహించిన అఖిలపక్ష సమావేశంలో ఆయన పాల్గొని తమ పార్టీ అభిప్రాయాన్ని సూటిగా వెల్లడించారు. వాగ్ధాటి, ప్రజాకర్షణ కలిగిన ఆయన రాజకీయంగా ఎన్నో ఒత్తిళ్లను ఎదుర్కొంటూ పోరాటాలు చేసి ముఖ్యమంత్రి స్థాయికి ఎదిగారు.
తెలంగాణలో జరిగిన ఉద్యమాలు, వాటి నేపథ్యాలపై సంపూర్ణ అవగాహన ఉన్న నాయకుడు రేవంత్ రెడ్డి. నీళ్లు, నిధులు, నియామకాలు ప్రధాన అంశాలుగా సాధించుకున్న తెలంగాణలో అన్ని వర్గాల ప్రజల ఆకాంక్షలను నెరవేర్చుతారని ఆశిస్తున్నాను. అభివృద్ధితో తెలంగాణ రాష్ట్రాన్ని ముందుకు తీసుకువెళ్లాలని మనస్ఫూర్తిగా కోరుకుంటున్నాను’’ పవన్ కల్యాణ్ సోషల్ మీడియా వేదికగా శుభాకాంక్షలు చెప్పారు.
