Telangana Legislative Council : శాసనమండలిలో మూడు కీలక బిల్లులకు ఆమోదం
దిశ, వెబ్ డెస్క్ : తెలంగాణ శాసనమండలి(Telangana Legislative Council)లో నేడు మూడు కీలక బిల్లులకు ఆమోదం లభించింది. తెలంగాణ మున్సిపాలిటీ సవరణ బిల్లు(Telangana Municipality Amendment Bill), జీహెచ్ఎంసీ సవరణ బిల్లు(GHMC Amendment Bill), తెలంగాణ పంచాయితీరాజ్ బిల్లుల(PanchayithiRaj Bill)కు శనివారం మండలి ఆమోద ముద్ర వేసింది. రాష్ట్రంలోని 80 గ్రామ పంచాయితీలను మున్సిపాలిటీలుగా మారుస్తామని ఇదివరకే ప్రభుత్వం ప్రకటించిన నేపథ్యంలో మున్సిపాలిటీ సవరణ బిల్లుకు గ్రీన్ సిగ్నల్ వచ్చింది. అలాగే ఈసీ ట్రిబ్యునల్ సవరణ మేరకు పంచాయితీ రాజ్ చట్టం షెడ్యూల్ 8 లోని 140 పంచాయితీల సవరణకు వీలు పడేలా పంచాయితీరాజ్ బిల్లును ప్రభుత్వం తీసుకు వచ్చింది. జీహెచ్ఎంసీ పరిధిని విస్తరించేందుకు ఓఆర్ఆర్ పరిధిలోని 51 గ్రామాలను నగరపాలక సంస్థలో విలీనం చేసేందుకు జీహెచ్ఎంసీ సవరణ బిల్లుకు కూడా నేడు ఆమోదం లభించింది.
