NV Ramana: దానికి ఆయన ట్రేడ్‌మార్క్.. సీఎం కేసీఆర్‌పై ఎన్వీ రమణ ఇంట్రెస్టింగ్ కామెంట్స్

దిశ, వెబ్‌డెస్క్: సీఎం కేసీఆర్‌పై సీజేఐ ఎన్వీ రమణ ఆసక్తికర వ్యాఖ్యలు చేశారు. చేతికి ఎముక లేదడానికి ట్రేడ్‌మార్క్‌ సీఎం కేసీఆర్ అని, న్యాయవ్యవస్థకు ఆయన మిత్రుడు అని వ్యాఖ్యానించారు. సీఎం కేసీఆర్ న్యాయశాఖకు వరాల జల్లులు కురిపించారని, రెండేళ్లు పెండింగ్ లో ఉన్న జడ్జీల పెంపు ఎట్టకేలకు పూర్తయిందన్నారు. న్యాయవ్యవస్థ బలోపేతానికి కేసీఆర్ కృషి చేస్తున్నారని ఎన్వీ రమణ ప్రశంసించారు.

ప్రభుత్వ ఉద్యోగాల సంఖ్యను తగ్గించడానికి కేంద్ర, రాష్ట్ర ప్రభుత్వాలు ప్రయత్నాలు చేస్తున్నాయని, కానీ కేసీఆర్ న్యాయవ్యవస్థలో 4,320 ఉద్యోగాలను క్రియేట్ చేశారని తెలిపారు. హైదరాబాద్ లో ఇంటర్నేషనల్ ఆర్బిట్రేషన్ సెంటర్ కు స్థలం, నిధుల కేటాయించినందుకు ధన్యవాదాలు తెలిపారు. ఇంటర్నేషనల్ ఆర్బిట్రేషన్ సెంటర్ కేసీఆర్ వల్లే సాధ్యం అయిందని, దాని వల్ల ఎన్నో ప్రయోజనాలు ఉన్నాయని ఎన్వీ రమణ చెప్పారు.