బీజేపీలో చేరిన పైడి రాకేష్ రెడ్డి..

దిశ ప్రతినిధి, నిజామాబాద్ ; నిజామాబాద్ పార్లమెంట్ సెగ్మెంట్ లో ఆర్మూర్ నియోజకవర్గానికి చెందిన ప్రముఖపారిశ్రామికవేత్త పైడి రాకేష్ రెడ్డి బీజేపీలో చేరారు. గురువారం ఢిల్లీలో బీజేపీ జాతీయ ప్రధాన కార్యదర్శి, తెలంగాణ ఇంచార్జ్ తరుణ్ చుగ్ ఢిల్లీలోని వారి నివాసంలో పైడిరాకేష్ రెడ్డికి పార్టీ కండువ కప్పి పార్టీలోకి ఆహ్వానించారు. నిజామాబాద్ పార్లమెంట్ సభ్యులు ధర్మపురి అరవింద్ ఆధ్వర్యంలో పైడి రాకేష్ రెడ్డి బీజేపీ తీర్థం పుచ్చుకున్నారు. ఈ కార్యక్రమంలో రాకేష్ రెడ్డి సతీమణి రేవతి రెడ్డి, కుమార్తె డా.సుచరిత రెడ్డి, విజయభారతి వున్నారు.