పెన్షన్ల కోసం వృద్ధులు పడిగాపులు.. ఐదు రోజులుగా గ్రామపంచాయతీ చుట్టూ ప్రదక్షిణలు

దిశ, పిట్లం: తాను ఒకటి తలిస్తే దైవం ఒకటి తలచిందన్న చందంగా మారింది వృద్ధుల పరిస్థితి. వృద్ధుల అవసరార్థం ప్రవేశపెట్టిన పెన్షన్ పథకం శాపంగా మారింది. ఐదు రోజులుగా గ్రామ పంచాయతీ చుట్టూ తిరుగుతున్న పెన్షన్ అందలేదని వారు వాపోతున్నారు. పోస్ట్ ఆఫీస్‌లో బయోమెట్రిక్ రాని వృద్ధులకు గ్రామపంచాయతీ కార్యదర్శి వేలు ముద్రతో పెన్షన్ అందించాలి. అలా కాకుండా 5 రోజులుగా వృద్ధులను ఈరోజు రా.. రేపు రాను తిప్పుకుంటున్నారని వారు ఆవేదన వ్యక్తం చేశారు. పెన్షన్ ఈ రోజైనా వస్తుందో అని గ్రామపంచాయతీ ముందు పడిగాపులు కాస్తున్నారు. సమయం పది అవుతున్న అధికారులు రాకపోవడంతో ఎదురుచూస్తున్నారు.