బీర్కూర్ లో ఘనంగా చత్రపతి శివాజీ మహారాజ్ జయంతి వేడుకలు..

దిశ, బీర్కూర్ : బీర్కూర్ మండల కేంద్రంలోని గాంధీ చౌక్ లో చత్రపతి శివాజీ మహారాజ్ 393 జయంతి వేడుకలను ఘనంగా నిర్వహించారు. ఈ సందర్భంగా మాజీ జెడ్పీటీసీ సభ్యులు ద్రోణవల్లి సతీష్ మాట్లాడుతూ చత్రపతి శివాజీ పేరు భారతదేశ చరిత్రలో సువర్ణ అక్షరాలతో లిఖించబడిన గొప్ప పేరు అని అన్నారు. ఈ పేరు వింటేనే భరతావణి పులకించిపోతుందన్నారు.

మొగలుల దాడుల నుంచి హిందూ మతాన్ని రక్షించిన ఘనత ఆ మరాఠ యోధుడికే దక్కుతుందన్నారు. యుద్ధంలో గెలుపు తప్ప ఓటమి ఎరగని యోధుడు అని కొనియాడారు. అనంతరం చత్రపతి శివాజీ మహారాజ్ విగ్రహ ఏర్పాటుకు తన వంతు సహకారంగా 1,50,000 రూపాయలను ఇచ్చారు. ఈ కార్యక్రమంలో ప్రజాప్రతినిధులు, నాయకులు, యువకులు పాల్గొన్నారు.