'స్వాతంత్రం తెచ్చింది.. తెలంగాణ ఇచ్చింది కాంగ్రెస్సే..'

దిశ, నకిరేకల్ : దేశానికి స్వాతంత్రం తీసుకొచ్చింది.. తెలంగాణ రాష్ట్రాన్ని ఇచ్చింది కాంగ్రెస్ పార్టీ అని గుర్తుంచుకోవాలి మాజీ ఎమ్మెల్యే వేముల వీరేశం తెలిపారు. నకిరేకల్ గడ్డ పై రాబోయే ఎన్నికల్లో కాంగ్రెస్ జెండా ఎగురవేస్తామని ఆశాభావం వ్యక్తం చేశారు. రామన్నపేట మండలం లో ఏర్పాటుచేసిన కార్యకర్తల సమావేశానికి హాజరయ్యారు. ఈ సందర్భంగా ఆయన మాట్లాడుతూ ఎటువంటి భేదాభిప్రాయాలు లేకుండా ప్రతి ఒక్కరిని కలుపుకొని ముందుకెళ్లాలని తెలిపారు. సేవ చేయడానికి తాను రాజకీయాల్లోకి వచ్చానని మాట ఇస్తే తప్పే నైజం కాదని ప్రతి ఒక్కరికి అండగా ఉంటానన్నారు.

అభివృద్ధి కోసం పార్టీ మారానని చెప్పిన కొంతమంది నాయకులు నియోజకవర్గంలో అభివృద్ధిని మరచి సొంతంగా అభివృద్ధి చెందారని ఆరోపించారు. ఐదేళ్ల కాలంలో ధర్మారెడ్డి, పిల్లాయిపల్లి కాలువలను పూర్తి చేయలేదని విమర్శించారు. తెలంగాణ రాష్ట్రాన్ని ఇచ్చిన సోనియా గాంధీ రుణం తీర్చుకోవడానికి రాష్ట్ర ప్రజలంతా సిద్ధంగా ఉన్నారన్నారు. రాబోయే ఎన్నికల్లో కాంగ్రెస్ పార్టీ అధికారంలోకి వస్తుందన్నారు. 6 గ్యారంటీలను ప్రజల్లోకి తీసుకెళ్లాలని కార్యకర్తలకు సూచించారు. ప్రజలు కాంగ్రెస్ ప్రభుత్వాన్ని కోరుకుంటున్నారని అన్నారు. ఎంపీ కోమటిరెడ్డి వెంకట్ రెడ్డి నాయకత్వంలో పని చేస్తూ ప్రజలకు అందరికీ అండగా ఉంటానని ఆశీర్వదించాలని కోరారు.