కాంగ్రెస్ గూటికి మర్రి సంతోష్ ముదిరాజ్..
దిశ, కోదాడ : అనంతగిరి మండలం ఖానాపురం బీఆర్ఎస్ గ్రామశాఖ అధ్యక్షులు మర్రి సంతోష్ ముదిరాజ్ కాంగ్రెస్ గూటికి చేరారు. ఆదివారం గ్రామంలో కాంగ్రెస్ పార్టీలోకి చేరికల సందర్భంగా ఏర్పాటు చేసిన కార్యక్రమంలో మాజీ ఎమ్మెల్యే, కాంగ్రెస్ పార్టీ అభ్యర్థి ఉత్తమ్ పద్మావతి, మాజీ ఎమ్మెల్యే వేనేపల్లి చందర్రావు సమక్షంలో తమ అనుచర వర్గం 500 మంది కార్యకర్తలకు, పార్టీ కండువా కప్పి ఆహ్వానించారు. ఈ సందర్భంగా గ్రామంలో భారీ సంఖ్యలో జనసంద్రోహంతో ర్యాలీ నిర్వహించి పద్మావతి, చందర్రావుకు ఘనస్వాగతం పలికారు. ఈ సందర్భంగా వారు మాట్లాడుతూ మర్రిసంతోష్ చేరికతో పార్టీ మండలంలో మరింత బలోపేతం అయిందని పేర్కొన్నారు.
కోదాడలో అధికారంలోకి వచ్చేది కాంగ్రెస్ పార్టీ మాత్రమేనని వారు పేర్కొన్నారు. అనంతరం మర్రి సంతోష్ మాట్లాడుతూ కాంగ్రెస్ పార్టీ సిద్ధాంతాలకు ఆకర్షితులై పార్టీలో చేరినట్లుగా తెలిపారు. నాతో పాటు పార్టీలో చేరేందుకు కదలి వచ్చిన గౌడ సంఘం మాజీ అధ్యక్షులు ఉయ్యాల కాశయ్య గౌడ్, గౌడ సంఘం సభ్యులకు, ముదిరాజ్ కులస్తులకు, ఎస్సీ, ఎస్టీ, బీసీ సోదరులకు ప్రతి ఒక్కరికి ఆయన ధన్యవాదాలు తెలిపారు. ఈ కార్యక్రమంలో కాంగ్రెస్ పార్టీ మండల అధ్యక్షులు ముసుకు శ్రీనివాస్ రెడ్డి, జడ్పీటీసీ కొనతం ఉమా శ్రీనివాస్ రెడ్డి, ఎంపీపీ చుండూరు వెంకటేశ్వర్లు, నియోజకవర్గ నాయకులు ముత్తవరపు పాండురంగారావు, మైబూజాని, పందిరి నాగిరెడ్డి, అల్తాఫ్ హుస్సేన్, బుర్ర పుల్లారెడ్డి, కాటం కాటం రెడ్డి ప్రసాద్ రెడ్డి, కొండపల్లి వాసు, జొన్నలగడ్డ కోటేశ్వరరావు, కనగాల వీరయ్య, గాదె వెంకన్న భారీ సంఖ్యలో కార్యకర్తలు నాయకులు పాల్గొన్నారు.
