MLA : మహాత్మా జ్యోతిరావు పూలే, డాక్టర్ బి.ఆర్ అంబేద్కర్ ల విగ్రహాల ఆవిష్కరణ..

దిశ, నాగారం : నాగారం మండల పరిధిలోని ఫణిగిరి గ్రామంలో బస్టాండ్ వద్ద సోమవారం మహాత్మా జ్యోతిరావు పూలే, డాక్టర్ బీ.ఆర్.అంబేద్కర్ మహనీయుల విగ్రహాలను తుంగతుర్తి శాసనసభ్యులు మందుల సామేల్, నకిరేకల్ శాసనసభ్యులు వేముల వీరేశంలు ఆవిష్కరణ చేశారు. అనంతరం ఎమ్మెల్యేలు మాట్లాడారు. అంబేద్కర్ రాసిన రాజ్యాంగం ఫలితంగా అందరికీ సమాన హక్కులు ఉన్నాయని, మహాత్మా జ్యోతిరావు పూలే సామాజిక న్యాయం కోసం, అందరికీ విద్య అందించడం కోసం అహర్నిశలు కృషి చేశారని మహనీయులను కొనియాడారు. ఈ కార్యక్రమంలో పానుగంటి నరసింహారెడ్డి, తొడుసు లింగయ్య, ఆకుల బుచ్చిబాబు, ఆలకుంట బాలకృష్ణ, బుక్కరాజు తిరుపతి, మద్దెల మల్లయ్య, జంపాల రాజేష్, పులిగిల్ల వీరమల్లు, అందె సంజీవ, రాంపాక అవిలయ్య, రాంబాబు, మామిడి ఎల్లయ్య, కృష్ణ తదితరులు పాల్గొన్నారు.