మాజీ ఎమ్మెల్యే కిషోర్ కుమార్ నోరు అదుపులో పెట్టుకోవాలి

దిశ, శాలిగౌరారం: తెలంగాణ రాష్ట్ర ముఖ్యమంత్రి రేవంత్ రెడ్డి పై తుంగతుర్తి మాజీ ఎమ్మెల్యే గాదరి కిషోర్ కుమార్ చేస్తున్న అనుచిత వ్యాఖ్యలను మానుకోవాలని కాంగ్రెస్ పార్టీ నాయకులు వేముల గోపీనాథ్ అన్నారు. ఈ సందర్భంగా గోపీనాథ్ మాట్లాడుతూ…. మాజీ ఎమ్మెల్యే కిశోర్ కుమార్ తన స్థాయిని మరచి సీఎం రేవంత్ రెడ్డి పై చేసిన అనుచిత వాఖ్యలను ఖండిస్తున్నామని, నోరు అదుపులో పెట్టుకోవాలని హెచ్చరించారు. ఈ సందర్భంగా తుంగతుర్తి మాజీ ఎమ్మెల్యే గాదరి కిషోర్ కుమార్‌కు నియోజకవర్గ ప్రజల అసెంబ్లీ ఎన్నికల్లో బుద్ధి చెప్పినప్పటికీ స్థాయిని మరిచి ఇష్టానుసారంగా ముఖ్యమంత్రి రేవంత్ రెడ్డి పై మాట్లాడడం ప్రజలు గమనిస్తున్నారని అన్నారు. గాదరి కిషోర్ కుమార్‌కు తుంగతుర్తి నియోజకవర్గ ప్రజలు మరోసారి రానున్న పార్లమెంటు స్థానిక సంస్థల ఎన్నికల్లో బుద్ధి చెబుతారని స్థాయిని మరిచి ముఖ్యమంత్రి రేవంత్ రెడ్డి పై పదేపదే అనుచిత వ్యాఖ్యలు చేస్తే కేసీఆర్ దగ్గర మెప్పు పొందవచ్చనే భావనతో ముఖ్యమంత్రి రేవంత్ రెడ్డి పై ఇష్టానుసారంగా మాట్లాడుతుండడాన్ని తీవ్రంగా ఖండిస్తున్నాం. మేడిగడ్డను సందర్శించేందుకు మాజీ ముఖ్యమంత్రి కేసీఆర్‌ను ఎందుకు తీసుకుపోవడం లేదో మాజీ ఎమ్మెల్యే గాదరి కిషోర్ కుమార్ సమాధానం చెప్పాలన్నారు. తెలంగాణలో ప్రజా పాలన కొనసాగుతుందని ప్రజల అభివృద్ధి ధ్యేయంగా ముఖ్యమంత్రి రేవంత్ రెడ్డి నాయకత్వంలో తెలంగాణ రాష్ట్రాన్ని రేవంత్ రెడ్డి అభివృద్ధి చేస్తారన్నారు.