పెద్దవూర కాటన్ మిల్లు వద్ద ఘోర రోడ్డు ప్రమాదం

దిశ, పెద్దవూర: పెద్దవూర మండల పరిధిలోని నాగార్జున సాగర్, హైదరాబాద్ ప్రధాన రహదారిపై ఘోర రోడ్డు ప్రమాదం చోటుచేసుకుంది. ఈ సంఘటనలో ఒక వ్యక్తి మృతి చెందగా, మరో వ్యక్తికి గాయాలు అయ్యాయి. ప్రాథమిక సమాచారం ప్రకారం, తిరుమలగిరి సాగర్ మండలం బోయ గూడెం గ్రామానికి చెందిన గోపి, మధు బోయ గూడెం నుంచి కొండమల్లేపల్లి వైపు మోటార్ సైకిల్ పై వెళ్తుండగా పెద్దవూర శివారులో గల కాటన్ మిల్లు వద్దకు వచ్చేసరికి హైదరాబాద్ వైపు నుంచి వస్తున్న కారు బైక్‌ను ఢీ కొట్టింది. దీంతో ఇద్దరికి గాయాలు కావడంతో వారిని నాగార్జున సాగర్ ప్రభుత్వ ఆసుపత్రికి తరలించగా గోపి చికిత్స పొందుతూ చనిపోయాడు. మధును మెరుగైన చికిత్స కోసం హైదరాబాద్‌కు తరలించారు. ప్రమాద సంఘటనకు సంబంధించిన పూర్తి వివరాలు తెలియాల్సి వుంది అని పెద్దవూర ఎస్‌ఐ పి. వీరబాబు తెలిపారు.