మైనంపల్లిపై మంత్రి హరీష్ రావు సంచలన వ్యాఖ్యలు

దిశ, వెబ్‌డెస్క్: మంత్రి హరీష్ రావు మైనంపల్లిపై సంచలన వ్యాఖ్యలు చేశారు. మల్కాజ్ గిరిలో ఏర్పాటు చేసిన ప్రచార సభలో ఆయన బుధవారం పాల్గొని మాట్లాడారు. హైదరాబాద్ ఎంతో అభివృద్ధి చెందిందని ప్రముఖులు ప్రశంసిస్తున్నారన్నారు. హైదరాబాద్ కు మల్కాజ్ గిరి సెగ్మెంట్ గుండెకాయ వంటిందన్నారు. మైనంపల్లి డబ్బు మైనాన్ని ఓటుతో కరిగించండన్నారు. మైనంపల్లిలా తాను దిగజారి మాట్లాడలేనన్నారు. ఓటుతో ఓటర్లు మైనంపల్లికి తగిన గుణపాఠం చెప్పాలన్నారు.

రాజశేఖరరెడ్డి కోరితే మల్కాజ్ గిరిని దత్తత తీసుకుంటా అన్నారు. కాలుష్యం తక్కువున్న నగరంగా హైదరాబాద్ కు గ్లోబల్ అవార్డులు వస్తున్నాయన్నారు. మర్రి రాజశేఖర రెడ్డి చేతిలో మైనంపల్లి ఓడిపోవడం ఖాయమన్నారు. ఇక, ఇటీవల మైనంపల్లి స్టేజ్ ఏదైనా మంత్రి హరీష్ రావు, మల్లారెడ్డిలపై విరుచుకుపడుతున్న విషయం తెలిసిందే. తన కుమారుడికి బీఆర్ఎస్ మెదక్ టికెట్ రాకపోవడానికి మంత్రి హరీష్ రావు కారణమని మైనంపల్లి తరచూ హరీష్ రావును టార్గెట్ చేస్తున్న విషయం తెలిసిందే.