జాగ్రత్తగా సమాచారాన్ని నింపండి

దిశ, మేడ్చల్ బ్యూరో : సమగ్ర ఇంటింటి కుటుంబం సర్వేలో నిర్దేశిత ప్రొఫార్మా నమోదులో పూరిస్తున్న కోడ్ అంశంలో జాగ్రత్తగా వ్యవహరించాలని మేడ్చల్ మల్కాజిగిరి జిల్లా కలెక్టర్ గౌతం పొట్రు సూచించారు. శామీర్పేట మండలం ఆలియాబాద్​లో శనివారం ఆయన ఎన్యుమరేటర్లు నిర్వహిస్తున్న సర్వేను స్వయంగా పరిశీలించారు.

సంబంధిత ఫారంలలో సేకరించిన సమాచారాన్ని బుక్లెట్లో ఉన్న కోడింగ్ ప్రకారం నమోదు చేసుకున్నారా..?, కోడ్ లను ఏ విధంగా గుర్తిస్తున్నారు వంటి అంశాలను పరిశీలించారు. ప్రొ ఫార్మాలను ఏ విధంగా ఇబ్బంది లేకుండా నమోదు చేయాలి అనే అంశంపై కొన్ని సూచనలు ఇచ్చారు. ఈ కార్యక్రమంలో ఎంపీడీఓ మమతాబాయి, సూపర్ వైజర్లు, ఎన్యుమరేటర్లు, తదితరులు పాల్గొన్నారు.