ఇసుకతో భారీ శివలింగం... వాహ్.. నిజాంగా చాలా బాగుంది

దిశ, కంది: ఆ శివలింగాన్ని మీరు చూస్తే రెండు చేతులు పైకెత్తి భక్తి పారవశ్యంతో మనసారా ప్రార్థించే విధంగా అద్భుతంగా తీర్చిదిద్దారు. కేవలం స్వచ్ఛమైన ఇసుకతో తయారుచేసిన ఈ సైకత శివలింగాన్ని బుధవారం ఆవిష్కరించారు. సంగారెడ్డి మండలం ఫసల్వాది శివారులో గల జ్యోతిర్వాస్తు విద్యాపీఠం ఆధ్వర్యంలో 19.5 అడుగుల భారీ సైకత శివలింగాన్ని రూపొందించారు. ఈ శివలింగం తయారీ కోసం 360 టన్నుల ఇసుకను మాత్రమే వాడడం విశేషం. శివరాత్రి పర్వదినాన్ని పురస్కరించుకుని ఈ నెల 9 నుంచి 19వ తేదీ వరకు ప్రత్యేక పూజా కార్యక్రమాలను ఇక్కడ నిర్వహిస్తున్నట్లు జ్యోతిర్ వాస్తు వ్యవస్థాపకుడు డాక్టర్ మహేశ్వర శర్మ సిద్ధాంతి తెలిపారు. కాగా బుధవారం ఎంపీ బీబీ పాటిల్, గంగాపూర్ పీఠాధిపతి వల్లభానంద సరస్వతి ఇతర ప్రముఖులు ఈ సైకత శివలింగాన్ని ఆవిష్కరించడం జరిగింది. కాగా ఈనెల 18వ తేదీన మహాశివరాత్రి సందర్భంగా ప్రత్యేక పూజా కార్యక్రమాలు నిర్వహించనున్నారు. ఇప్పటికే ఈ అద్భుతమైన శివలింగాన్ని చూడడానికి భక్తులు పోటెత్తుతున్నారు.