పలు అభివృద్ధి పనులకు MLA Raghunandan Rao భూమి పూజ

దిశ, అక్బర్ పేట-భూంపల్లి: మండలంలోని రుద్రారం గ్రామ ప్రైమరీ స్కూల్లో ఎన్ఆర్ఈజీఎస్ పథకంలో మంజూరైన కిచెన్ షెడ్, టాయిలెట్స్ నిర్మాణానికి శనివారం దుబ్బాక ఎమ్మెల్యే రఘునందన్ రావు భూమి పూజ చేశారు. అనంతరం రుద్రారం గ్రామంలో డ్రైనేజీ నిర్మాణ పనులను పరిశీలించారు. పనులను వేగవంతం చేసి త్వరితగతిన పూర్తి చేయాలని సంబంధిత అధికారులు, సర్పంచ్ ను ఆదేశించారు. అలాగే గ్రామంలో ప్రాథమిక ఆరోగ్య కేంద్రం నిర్మాణానికి భూమి పూజ చేశారు. తన సొంత నిధులతో ఏర్పాటు చేసిన హైమాస్ట్ లైట్లను ప్రారంభించారు. ఈ కార్యక్రమంలో రుద్రారం గ్రామ సర్పంచ్ మల్లన్న గారి భిక్షపతి, బీజేపీ మండల అధ్యక్షుడు ఎలుముల దేవరాజు, అధికారులు, ప్రజా ప్రతినిధులు, పలువురు బీజేపీ కార్యకర్తలు పాల్గొన్నారు.

సొంత డబ్బులతో ఎల్లమ్మ తల్లి ఆలయానికి MLA రఘునందన్ రావు అభివృద్ధి