మల్లు స్వరాజ్యం స్ఫూర్తితో ఉద్యమించాలి

దిశ, సిద్దిపేట ప్రతినిధి : తెలంగాణ రైతాంగ సాయుధ పోరాట యోధురాలు మల్లు స్వరాజ్యం స్పూర్తితో ప్రజా సమస్యల పరిష్కారం కోసం ఉద్యమించాలని సీపీఎం జిల్లా కార్యదర్శి వర్గ సభ్యుడు రాళ్లబండి శశిధర్ అన్నారు. మల్లు స్వరాజ్యం రెండవ వర్ధంతి పురస్కరించుకొని సీపీఎం జిల్లా కార్యాలయంలో మల్లు స్వరాజ్యం చిత్రపటానికి సీపీఎం నాయకులు పూల మాల వేసి నివాళులర్పించారు. ఈ సందర్భంగా ఆయన మాట్లాడుతూ… పీడిత వర్గాల విముక్తి కోసం జరిగిన పోరాటంలో మల్లు స్వరాజ్యం ముఖ్య భూమిక పోషించారన్నారు. చారిత్రాత్మకమైన పోరాటాల్లో మల్లు స్వరాజ్యం పాత్ర అద్వితీయమని కొనియాడారు. ఈ కార్యక్రమంలో సీపీఎం జిల్లా కార్యదర్శి వర్గ సభ్యుడు కాముని గోపాలస్వామి, జిల్లా కమిటీ సభ్యుడు దాసరి ప్రశాంత్, జాలిగపు శిరీష, నాయకులు కొండం సంజీవ్ తదితర పాల్గొన్నారు.