power transformer : రక్షణ లేని విద్యుత్‌ ట్రాన్స్ఫార్మర్.. పొంచి ఉన్న ప్రమాదం..
దిశ, చిన్నచింతకుంట : రక్షణ కంచెలేని ట్రాన్స్ఫార్మర్ తో ప్రమాదం పొంచి ఉంది. చిన్న చింతకుంట మండల కేంద్రంలో బీసీ హాస్టల్ ప్రక్కనే ఉన్న విద్యుత్‌ ట్రాన్స్ఫార్మర్ ప్రమాదభరితంగా ఉంది. ట్రాన్స్‌ఫార్మర్‌కు రక్షణ కంచె ఏర్పాటు చేయాల్సి ఉన్నా సంబంధిత అధికారులు ఆ దిశగా ఎటువంటి చర్యలు చేపట్టడం లేదు. దీంతో ట్రాన్స్ఫార్మర్ కు పక్కనే నడిచి వెళ్ళే ప్రజలు భయాందోళనలకు గురవుతున్నారు.
పక్కనే ఉన్న రోడ్డు గుండా నిత్యం గ్రామస్థుల రాకపోకలు సాగిస్తుంటారు. పైగా ట్రాన్స్‌ఫారమ్ తక్కువ ఎత్తులో ఉండటంతో చిన్న పిల్లలకు కూడా అందుతాయి. దీంతో రోడ్డుగుండా వెళ్ళాలనుకునే వారికి ఎప్పుడు ఏమి జరుగుతుందోనని భయాందోళనలు వ్యక్తం చేస్తున్నారు. విద్యుత్‌ శాఖ అధికారులు స్పందించి ట్రాన్స్ఫార్మర్ కు రక్షణ కవచాలు ఏర్పాటు చేయాల్సిన అవసరం ఉంది. ఎప్పటికైనా అధికారులు, ప్రజాప్రతినిధులు స్పందించి ట్రాన్స్ఫార్మర్ కు కంచె ఏర్పాటు చేయాలని ప్రజలు కోరుతున్నారు.
