శ్రీశైలం హైవే పై రెండు కార్లు ఢీ.. ఇద్దరికి గాయాలు..
దిశ, వంగూర్ : శ్రీశైలం హైవే పై రెండు కార్లు ఎదురెదురుగా ఢీ కొని ఇద్దరికి గాయాలు అయిన సంఘటన ఆదివారం ఉదయం చోటుచేసుకుంది. స్థానికులు తెలిపిన వివరాల ప్రకారం జాతీయ రహదారి 765 నెహ్రూ మార్గ్ లోని తిప్పారెడ్డిపల్లి గేటు దాటిన తర్వాత సుజుకి బెలినో వాహనము (శ్రీశైలం నుంచి హైదరాబాద్) వెలుతుంది. ఈ వాహనానికి ఎదురుగా సుజుకి ఎర్టిగా వాహనము (హైదరాబాద్ నుంచి శ్రీశైలంకి) వస్తున్న సమయంలో రెండు వాహనాలు ఎదురెదురుగా ఢీ కొన్నట్లు తెలిపారు.
ఈ ప్రమాదంలో ఉత్తరప్రదేశ్ రాష్ట్రం లక్నో నగరానికి చెందిన ఉషసింగ్ (50), దివ్యాంసింగ్ (35)లకు గాయాలు అయ్యాయని వారు తెలిపారు. ఉషా సింగ్ కుడి కుడిచేతి భుజం భాగాన ఇంటర్నల్ ఫ్రాక్చర్ అయినట్లు గుర్తించారు. ఈ ప్రమాదం జరిగిన ప్రాంతంలో 1033 జాతీయ రహదారి అంబులెన్స్ సిబ్బంది పైలెట్ ఆరిఫ్ ఖాన్, ఈఎన్టీ స్వామి నాయక్ సరైన సమయంలో క్షతగాత్రులను హాస్పిటల్ కి తీసుకెళ్లి ప్రాణాపాయం నుంచి కాపాడగలిగారని తెలిపారు.
