జనగామ జిల్లాకు ఆయన పేరు పెట్టాలి.. కేటీఆర్ కీలక డిమాండ్

దిశ, వెబ్‌డెస్క్: సిరిసిల్ల జిల్లా కేంద్రంలో సర్దార్ సర్వాయి పాపన్న జయంతి వేడుకలు ఘనంగా నిర్వహించారు. ఈ వేడుకల్లో బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ పాల్గొన్నారు. ఈ సందర్భంగా ఆయన మాట్లాడారు.. బహుజనుల రాజ్యాధికారం కోసం పాపన్న పోరాటం చేశారని గుర్తుచేశారు. తెలంగాణ ప్రాంతంలోని నిరంకుశ పాలనకు వ్యతిరేకింగా ఫైట్ చేశారని అన్నారు. పాపన్న ఆశయాలను కొనసాగించాలన్న సంకల్పంతో గౌడన్నల సంక్షేమానికి మాజీ సీఎం కేసీఆర్ ఎంతో కృషి చేశారని తెలిపారు. ఆయన విరోచిత పోరాటానికి గుర్తుగా హైదరాబాద్‌లోని ట్యాంక్‌బండ్‌పై సర్దార్ సర్వాయి పాపన్న విగ్రహం పెట్టాలని డిమాండ్ చేశారు. అంతేకాదు.. జనగామ జిల్లాకు పాపన్న పేరు పెట్టాలని అన్నారు.