‘ఆల్రెడీ నేను మర్డర్ చేసే వచ్చా.. అవసరమైతే నిన్నూ చంపేస్తా’

దిశ, ఇల్లందు: సింగరేణి సేఫ్టీ అధికారి శివప్రసాద్‌పై బీఆర్ఎస్ పట్టణ అధ్యక్షుడు నాదెండ్ల శ్రీనివాస్ రెడ్డి దాడి చేశాడు. వివరాల్లోకి వెళితే.. నాదెండ్ల శ్రీనివాస్ రెడ్డి బీఆర్ఎస్ పట్టణ అధ్యక్షుడిగా, సింగరేణి కార్మికుడిగా జేకే ఫిల్టర్ బెడ్‌లో విధులు నిర్వహిస్తున్నాడు. ఆదివారం ఉదయం 7 గంటలకు డ్యూటీకి హాజరై.. అటెండెన్స్ వేశాక విధులు నిర్వర్తించకుండా నిర్లక్ష్యం చేయడంతో నాదెండ్ల శ్రీనివాస్ రెడ్డిని అధికారి శివప్రసాద్ మందలించాడు. ‘‘నేను అధికార బీఆర్ఎస్ పట్టణ అధ్యక్షుడిని.. డ్యూటీ చేయను. అటెండెన్స్ వేసుకొని వెళ్తాను. నువ్వు ఏం చేస్తావో చేసుకో. ఆల్రెడీ నేను మర్డర్ చేసి వచ్చాను. అవసరమైతే నిన్ను మర్డర్ చేస్తా’’ అని సింగరేణి అధికారిని బెదిరించాడు. అనంతరం ఇరువురి మధ్య మాట మాట పెరిగి ఆ సింగరేణి అధికారిపై చేయి చేసుకున్నాడు. దీనికి నిరసనగా సింగరేణి అధికారులు విధులను బహిష్కరించి పెన్ డౌన్ చేయడం చేశారు. దీంతో అక్కడ ఉద్రిక్త పరిస్థితి చోటుచేసుకుంది.

Also Read..

బొడ్రాయి పండుగ వేళ గ్రామంలో విషాదం.. బైక్ అదుపు తప్పి వ్యక్తి మృతి..