ఇందిరా గాంధీ సేవలు, సంస్కరణలు అందరికీ ఆదర్శం : జగిత్యాల ఎమ్మెల్యే
దిశ,జగిత్యాల టౌన్: ఇందిరాగాంధీ దేశానికి చేసిన సేవలు, అభివృద్ధి పనులు, సంస్కరణలు అందరికీ ఆదర్శం అని ఎమ్మెల్యే సంజయ్ కుమార్ అన్నారు. మంగళవారం జగిత్యాల పట్టణంలోని ఓ ఫంక్షన్ హాల్ లో ఇందిరా గాంధీ జయంతి సందర్భంగా వారి చిత్రపటానికి పూలమాలలు వేసి నివాళులర్పించారు. ఈ సందర్భంగా ఎమ్మెల్యే మాట్లాడుతూ దేశ సమగ్రత ను కాపాడడం లో ఎక్కడ వెనక్కి తగ్గని నాయకురాలు ఇందిరాగాంధీని అని అన్నారు. ఇందిరాగాంధీ దేశానికి అందించిన సేవలకు, సంస్కరణలు అందరికీ ఆదర్శం అని తెలిపారు.
అలాగే విమర్శలతో అభివృద్ధి సాధ్యం కాదని, అన్ని వర్గాల వారి సంక్షేమం కోసం పనిచేస్తామని, సమగ్ర కుటుంబ సర్వే తో బడుగు బలహీన వర్గాలను తగిన న్యాయం చేస్తామని, ప్రజా పాలన విజయోత్సవాలలో ప్రజలు భాగం కావాలని కోరారు. అనంతరం పట్టణానికి చెందిన 150 మంది లబ్ధిదారులకు సీఎం సహా నిధి, కల్యాణ లక్ష్మి చెక్కులను అందజేశారు. ఈ కార్యక్రమంలో మున్సిపల్ చైర్పర్సన్ అడువాల జ్యోతి, వైస్ చైర్మన్ గోలి శ్రీనివాస్, గిరి నాగభూషణం, కౌన్సిలర్లు, నాయకులు, మహిళలు, తదితరులు పాల్గొన్నారు.
