రాజన్న సేవలో జిల్లా ఎస్పీ దంపతులు

దిశ, వేములవాడ : నూతన సంవత్సరం సందర్భంగా వేములవాడ శ్రీ రాజరాజేశ్వర స్వామివారిని బుధవారం రాజన్న సిరిసిల్ల జిల్లా ఎస్పీ అఖిల్ మహాజన్ దంపతులు దర్శించుకుని ప్రత్యేక పూజలు నిర్వహించారు. దర్శనంలో భాగంగా ఆలయానికి చేరుకున్న వారు ముందుగా స్వామివారికి ప్రీతికరమైన కోడె మొక్కులు చెల్లించుకొని తదుపరి స్వామివారిని దర్శించుకున్నారు. అనంతరం అద్దాల మండపంలో వారికి ఆలయ అర్చకులు ఆశీర్వచనం చేసి స్వామివారి తీర్థప్రసాదాలను అందించారు.