Nagavamsi: అలా చేయడానికి ప్రయత్నిద్దాం.. నాకు మీ అందరి సపోర్ట్ కావాలంటూ నాగవంశీ రిక్వెస్ట్

దిశ, సినిమా: టాలీవుడ్ నిర్మాత సూర్యదేవర నాగవంశీ(Suryadevara Nagavamsi) సితార ఎంటర్‌టైన్‌మెంట్స్(Sitara Entertainments) బ్యానర్‌పై నిర్మించిన తాజా చిత్రం ‘డాకు మహారాజ్’(Daaku Maharaj). దీనిని బాబీ కొల్లి తెరకెక్కించగా.. బాలకృష్ణ(Balakrishna) హీరోగా నటించారు. శ్రద్ధా శ్రీనాథ్, ప్రగ్యా జైస్వాల్(Pragya Jaiswal) హీరోయిన్లుగా నటించారు. అయితే ఈ మూవీ భారీ అంచనాల మధ్య సంక్రాంతి కానుకగా జనవరి 12న థియేటర్స్‌లో విడుదల కానుంది.

ఇక మూవీ టీమ్ ప్రమోషన్స్‌లో ఫుల్ బిజీగా ఉన్నారు. ఈ నేపథ్యంలో.. తాజాగా, నిర్మాత నాగవంశీ ఓ ట్వీట్ చేశారు. ‘‘ఇది మన అందరి సినిమా. నాకు మీ అందరి సపోర్ట్ చాలా అవసరం. అందరం ప్రశాంతంగా ఉండి మన సినిమా అతి పెద్ద blockbuster success అవ్వడానికి ప్రయత్నిద్దాం మీ Naga Vamsi’’ అని రాసుకొచ్చారు. ఇక ఈ పోస్ట్ చూసిన వారంతా ఆలోచనలో పడ్డారు. ఇంత సడెన్‌గా నాగవంశీ ఈ ట్వీట్ చేయడానికి కారణం ఏంటో అని పలు అనుమానాలు వ్యక్తం చేస్తున్నారు.

ఇది మన అందరి సినిమా. నాకు మీ అందరి సపోర్ట్ చాలా అవసరం.

అందరం ప్రశాంతంగా ఉండి మన సినిమా అతి పెద్ద blockbuster success అవ్వటానికి ప్రయత్నిద్దాం.

మీ
Naga Vamsi

— Naga Vamsi (@vamsi84) January 4, 2025