అక్కడ ఎలుగుబంటి ఉంది జాగ్రత్త

దిశ, గన్నేరువరం : మండలంలోని కాసింపేట, చాకలివానిపల్లి గ్రామ శివారులో మంగళవారం ఎలుగుబంటి సంచరించింది. పాల రవాణా చేసే ఆటో యజమాని తాళ్లపల్లి రాజయ్య గౌడ్ పాల సేకరణ నిమిత్తం ఈదారిలో వెళ్తుండగా ఎలుగుబంటి రోడ్డు మీద ఉండడంతో ఆయన సెల్ ఫోన్ లో ఎలుగుబంటి దృశ్యాలను చిత్రీకరించారు.

ఎంతకూ దారి మీద నుండి వెళ్లకపోవడంతో గట్టిగా అరవడంతో చెట్లపొదల్లోకి వెళ్లింది. సమీప గ్రామాల రైతులు రాత్రిపూట వ్యవసాయ బావుల వద్దకు వెళ్లేవారు జాగ్రత్తగా ఉండాలని అధికారులు సూచిస్తున్నారు. కాగా గతంలో జంగాపల్లి గ్రామంలో పలువురిపై ఎలుగుబంట్లు దాడి చేసి గాయపరిచాయని, అటవీ శాఖ అధికారులు తక్షణం ఎలుగుబంటిని గుర్తించి , బంధించి దానిని సురక్షిత ప్రాంతానికి తరలించాలని గ్రామాల ప్రజలు డిమాండ్ చేస్తున్నారు.