Spot Admissions : ఈనెల 6న తెలుగు యూనివర్సిటీలో స్పాట్ అడ్మిషన్స్
దిశ, రవీంద్రభారతి : 2024-25 విద్యా సంవత్సరానికి గాను పొట్టి శ్రీరాములు తెలుగు విశ్వవిద్యాలయం వివిధ కోర్సులకు ప్రవేశ ప్రక్రియ చేపట్టడం జరిగింది. కోర్సులలో కొన్ని సీట్లు మిగిలి ఉన్నందున వీటి భర్తీ నిమిత్తం ఈనెల 6న (బుధవారం) ఉదయం 11.00 గం.ల నుండి మధ్యాహ్నం 3.00 గం.ల వరకు పొట్టి శ్రీరాములు తెలుగు విశ్వవిద్యాలయం బాచుపల్లి క్యాంపస్ లో స్పాట్ అడ్మిషన్స్ ద్వారా ప్రవేశాలు నిర్వహించబడతాయని యూనివర్సిటీ డైరెక్టర్ డా. బి. రాధా సోమవారం ఒక ప్రకటనలో పేర్కొన్నారు. ఆసక్తి కలిగిన అభ్యర్థులు తమ తమ ఒరిజినల్ సర్టిఫికెట్ తో పాటు ఎస్సీ,ఎస్టీ, బీసీ, స్పోర్ట్స్, పీహెచ్సీ వారు కులం, ఆదాయం సర్టిఫికెట్స్ తనిఖీ చేయించుకొని నిర్ణీత ఫీజును చెల్లించి ప్రవేశం పొందవచ్చని తెలిపారు. మిగిలిన సీట్లు కోర్సుల వివరాలను www.teluguuniversity.ac.in, చూడవచ్చని పేర్కొన్నారు. పూర్తి వివరాలకు ఈ నెంబర్ ను 8520866582 సంప్రదించవచ్చు తెలిపారు.
