దుర్గాదేవిగా జూబ్లీహిల్స్ పెద్దమ్మతల్లి..

దిశ,జూబ్లీహిల్స్ : దుర్గతులను నివారించే పరాశక్తి ఎనిమిదో రోజున గురువారం దుర్గాదేవి గా జూబ్లీహిల్స్ పెద్దమ్మతల్లి దర్శనమిచ్చారు. ఈ అవతారంలో దుర్గముడనే రాక్షసుడిని అమ్మవారు సంహరించినట్లు పురాణాలు చెబుతున్నాయి. పంచ ప్రకృతి మహాస్వరూపాల్లో మొదటిది దుర్గారూపం. భవబంధాలలో చిక్కుకున్న మానవుడిని అనుగ్రహించి మోక్షాన్ని ప్రసాదించే మాత. కోటి సూర్యప్రభలతో వెలిగొందే అమ్మను అర్చిస్తే శత్రుపీడనం తొలగిపోతుందని , సర్వత్రా విజయం ప్రాప్తిస్తుందనీ విశ్వాసం. ఎర్రని వస్త్రం సమర్పించి, ఎర్రటి అక్షతలు, ఎర్రటి పుష్పాలతో అధిక సంఖ్యలో భక్తులు అమ్మవారిని పూజించారు.