ఉస్మానియా ఆస్పత్రిలో జర్నలిస్ట్ పై దాడి..

దిశ, కార్వాన్ : ఓ జర్నలిస్టుపై సిబ్బంది దాడి చేసిన ఘటన ఉస్మానియా ఆస్పత్రిలో చోటు చేసుకుంది. వివరాలు ఇలా ఉన్నాయి.. ఓ ప్రముఖ పత్రిక ఫోటో గ్రాఫర్ సోమవారం ఉస్మానియా ఆస్పత్రిలోని సమస్యల పై కవరేజ్ చేసేందుకు ఔట్ పేషెంట్ వార్డులోని వెళ్ళాడు. కాగా ఆ ఫోటోగ్రాఫర్ ఫోటోలు తీసే క్రమంలో అక్కడ విధులు నిర్వహిస్తున్న మహిళ సెక్యూరిటీ సిబ్బంది ఆయనను అడ్డుకుంది. అంతే కాకుండా ఫోటో గ్రాఫర్ చేతిలోని కెమెరాను లాక్కొని దాడి చేసింది. ఈ వీడియో కాస్త సామాజిక మాధ్యమాల్లో తెగ వైరల్ కావడంతో అధికారులు సదరు మహిళను విధుల నుంచి తొలగించినట్టు సమాచారం.