Shamshabad: విమానంలో మహిళ వీరంగం.. కేసు నమోదు

దిశ, వెబ్ డెస్క్: ఇండిగో విమానం(Indigo Flight)లో ఓ మహిళ(woman) వీరంగం సృష్టించారు. తోటి ప్రయాణికులతో అసభ్యంగా ప్రవర్తించారు. అయితే సిబ్బంది నచ్చచెప్పేందుకు యత్నించారు. కానీ ఆమె ఎంతకీ తగ్గలేదు. మరింత రెచ్చిపోయి ప్రయాణికులను బూతులు తిడుతూ హల్ చల్ చేశారు. దీంతో ఆమెను అదుపులోకి తీసుకున్నారు. ఈ ఘటన శంషాబాద్ ఎయిర్‌పోర్టు(Shamshabad Airport)లో జరిగింది. ఇండిగో విమానం శంషాబాద్ నుంచి ముంబై(Mumbai)కు వెళ్లేందుకు సిద్ధమైంది. అయితే మద్యం సేవించిన ఓ మహిళ విమానంలోకి ఎక్కి రచ్చ రచ్చ చేశారు. తోటి ప్రయాణికులను తిడుతూ వీరంగం సృష్టించారు. దీంతో ఆమెను CISF పోలీసులు అదుపులోకి తీసుకున్నారు. అనంతరం పోలీసులకు అప్పగించారు. దీంతో సదరు మహిళపై కేసు నమోదు చేసి దర్యాప్తు చేస్తున్నారు.