ఆఫీసు ఖాళీ చేయండి.. టీఆర్ఎస్‌కేవీకి జీహెచ్ఎంసీ నోటీసులు

దిశ, సిటీబ్యూరో: జీహెచ్ఎంసీ హెడ్ ఆఫీసులోని కార్యాలయాన్ని ఖాళీ చేయాలని బీఆర్ఎస్ అనుబంధ సంస్థ అయిన టీఆర్ఎస్ కార్మిక విభాగం(టీఆర్ఎస్‌కేవీ)కి జీహెచ్ఎంసీ నోటీసులు జారీచేసింది. గ్రౌండ్ ఫ్లోర్‌లోని రూమ్ నెం.1లోని కార్యాలయాన్ని లీజుకిచ్చిన గడువు ముగిసిందని, ఎలాంటి రెన్యూవల్ చేసుకోలేదని నోటీసులో పేర్కొంది. డిసెంబర్ 9లోపు ఖాళీ చేయాలని జీహెచ్ఎంసీ ఎస్టేట్ విభాగం ఆదేశించింది. దీంతో పాటు హెడ్ ఆఫీసులో ఉన్న మరో 14 కార్మిక సంఘాలకు సైతం నోటీసులు జారీచేసింది. అయితే 31 మార్చి 2011లో పురపాలక, పట్టణాభివృద్ధి శాఖ జారీచేసిన జీఓ ఎంఎస్.120 ప్రకారం మన్సిపాలిటీకి సంబంధించిన ప్రాపర్టినీ ఆక్షన్ వేయకుండా 25 ఏండ్ల పాటు లీజు, రెన్యూవల్ చేయడానికి అవకాశం లేదని నోటీసులో పేర్కొంది.