Harish Rao: అన్ని మేమే చేస్తే నువ్వు సీఎంగా ఏం చేస్తావు రేవంత్ రెడ్డి: హరీష్ రావు
దిశ, వెబ్‌డెస్క్: తెలంగాణ అసెంబ్లీలో ప్రతిపక్ష బీఆర్ఎస్, అధికార కాంగ్రెస్ పార్టీల మధ్య మాటల యుద్ధం నడుస్తోంది.రుణమాఫీ, నిరుద్యోగలు సమస్యలపై బీఆర్ఎస్ పార్టీ ప్రశ్నింగా.. కేటీఆర్, హరీశ్ రావులు దీక్ష చేయాలని సీఎం రేవంత్ రెడ్డి కౌంటర్ ఇచ్చారు. ఈ వ్యాఖ్యలపై అసహనానికి లోనైన హరీష్ రావు.. సభలో మాట్లాడుతూ.. అన్ని మేమే చేస్తే నువ్వు ఏం చేస్తావ్ రేవంత్ రెడ్డి అని ప్రశ్నించారు.
అలాగే బీఆర్ఎస్ నాయకులుగా మాది ఉద్యమ స్ఫూర్తి, మేమ్ ప్రజల కోసం పోరాడుతాం. కానీ నువ్వు రాజీనామా చేయమంటే టీడీపీ ఎమ్మెల్యేగా ఉండి పారి పోయావు. ఉద్యమ సమయంలో తెలంగాణ ఉద్యమకారుల మీద తుపాకీ ఎక్కుపెట్టి రైఫిల్ రెడ్డిగా పేరు తెచ్చుకున్నావు. నాడు సోనియా గాంధీని దెయ్యం అని.. ఇప్పుడు దేవత అన్న చరిత్ర నీది. అలాగే రాహుల్ గాంధీని పప్పు అని విమర్శించి.. ఇప్పుడు పీఎం అభ్యర్థి అంటున్నావని.. సీఎం రేవంత్ రెడ్డి పై మాజీ మంత్రి హరీష్ రావు సభలో తీవ్ర స్థాయిలో విమర్శలు గుప్పించారు.
