Drugs: న్యూఇయర్ వేళ హైదరాబాద్ లో డ్రగ్స్ కలకలం

దిశ, వెబ్ డెస్క్: న్యూఇయర్(New Year) వేళ హైదరాబాద్(Hyderabad) లో డ్రగ్స(Drugs) కలకలం రేపాయి. నూతన సంవత్సర వేడుకల సందర్భంగా పోలీసులు, ఎక్సైజ్ అధికారులు నగరంలో విస్తృత తనిఖీలు నిర్వహిస్తున్నారు. దాదాపు 40 బృందాలతో ఎక్సైజ్, నార్కోటిక్ విభాగాల అధికారులు సోదాలు చేస్తున్నారు. ఈ నేపథ్యంలోనే బంజారాహిల్స్(Banjara Hills) రోడ్.12 లో భారీగా డ్రగ్స్ పట్టుబడ్డాయి. డ్రగ్స్ పై ముందస్తు సమాచారంతో వెస్ట్ జోన్ టాస్క్ ఫోర్స్ పోలీసులు(West Jone TskForce Police) ఓ అపార్ట్‌మెంట్ లో సోదాలు నిర్వహించారు. ఈ తనిఖీల్లో 30 గ్రాముల కొకైన్, 6 గ్రాముల ఎండీఎంఏ(MDMA) ను స్వాధీనం చేసుకున్న పోలీసులు.. నిందితుడిని అరెస్ట్ చేశారు. దీనిపై కేసు నమోదు చేసి, నిందితుడికి డ్రగ్స్ ఎక్కడి నుంచి వచ్చాయి.. ఎవరు సరఫరా చేశారు అనేది పోలీసులు దర్యాప్తు చేస్తున్నారు.