తెలంగాణ అసెంబ్లీకి డీకే అరుణ.. ఎందుకంటే?

దిశ, వెబ్‌డెస్క్ : తెలంగాణ అసెంబ్లీకి బీజేపీ నాయకురాలు డీకే అరుణ ఈ రోజు వెళ్లారు. అసెంబ్లీ కార్యదర్శికి హైకోర్టు కాపీలను డీకే అరుణ అందజేయనున్నారు. కోర్టు ఆర్డర్ కాపీలను ఇప్పటికే కేంద్ర ఎన్నికల సంఘానికి డీకే అరుణ అందజేశారు. కాగా ఇటీవల డీకే అరుణను ఎమ్మెల్యేగా ప్రకటిస్తూ హై కోర్టు తీర్పు ఇచ్చిన విషయం తెలిసిందే. గద్వాల ఎమ్మెల్యే కృష్ణమోహన్ రెడ్డి ఎన్నికల చెల్లదని హై కోర్టు తీర్పు వెలువరించింది. ఎన్నికల అఫిడవిట్ లో తప్పుడు వివరాలను సమర్పించారని కోర్టు నిర్ధారణకు వచ్చింది. దీంతో రెండో స్థానంలో నిలిచిన డీకే అరుణను ఎమ్మెల్యేగా హై కోర్టు ప్రకటించిన విషయం తెలిసిందే.