దొరల పాలన వర్సెస్ ప్రజా పాలన కేసీఆర్ పై కాంగ్రెస్ విమర్శలు

దిశ, డైనమిక్ బ్యూరో: బీఆర్ఎస్ (BRS) పై కాంగ్రెస్ (Congress) మరోసారి విమర్శలు గుప్పించింది. బీఆర్ఎస్ పాలన దొరల పాలన అయితే తమది ప్రజా పాలన అని విమర్శించింది. గత ప్రభుత్వం ప్రజలపై పన్నుల భారం మోపితే తమ ప్రభుత్వం ఆయా శాఖలు పంపించిన పన్ను పెంపు ప్రతిపాదనలను తిరస్కరించిందని పేర్కొంది. ఈ మేరకు పన్నుల పెంపుపై గతంలో మాజీ సీఎం కేసీఆర్ అసెంబ్లీలో మాట్లాడిన స్పీచ్ ను తాజాగా రేవంత్ రెడ్డి పన్నుల భారం ప్రతిపాదనలను తిరస్కరించినట్లుగా తెలిసిందంటూ 'దిశ' పత్రికలో వచ్చిన కథనాన్ని కాంగ్రెస్ పార్టీ ఎక్స్ ఖాతాలో షేర్ చేసింది. గతంలో కేసీఆర్ (KCR) అసెంబ్లీలో మాట్లాడుతూ ప్రాపర్టీ ట్యాక్స్ పెంచబోతున్నామని ఈ విషయంలో మాకెలాంటి శషభిషలు లేవంటూ కేసీఆర్ మాట్లాడిన వీడియోను పోస్టు చేసింది. ఆ పక్కనే ఈ తెలంగాణను పునర్నిర్మించడంలో మా శాయశక్తుల కష్టపడతామంటూ సీఎం రేవంత్ రెడ్డి చేసిన వీడియోను జతచేసి పోస్టు చేశారు.