సీఎం రేవంత్ రెడ్డిని కలిసిన కాంగ్రెస్ ఎంపీలు

దిశ, డైనమిక్ బ్యూరో: సీఎం రేవంత్ రెడ్డిని కొత్తగా ఎన్నికైన కాంగ్రెస్ ఎంపీలు కలిశారు. వరంగల్ నుంచి విజయం సాధించిన కడియం కావ్య, భువనగిరి నుంచి గెలుపొందిన చామల కిరణ్ కుమార్ రెడ్డి బుధవారం హైదరాబాద్ లో ముఖ్యమంత్రిని మర్యాదపూర్వకంగా కలిశారు. ఈ సందర్భంగా కొత్తగా ఎన్నికైన ఎంపీలను ముఖ్యమంత్రి అభినందించారు. రేవంత్ రెడ్డికి సన్నిహితుడిగా పేరున్న చామల కిరణ్ కుమార్ రెడ్డి తన సమీప అభ్యర్థి బూర నర్సయ్య గౌడ్ పై 2,22,170 మెజార్టీతో గెలుపొందగా సీనియర్ ఎమ్మెల్యే కడియం శ్రీహరి కూతురు కడియం కావ్య వరంగల్ నుంచి 2,20,339 ఓట్ల మెజార్టీతో విజయం సాధించారు. ఈ ఇద్దరు తొలిసారి చట్టసభల్లో అడుగుపెట్టబోతున్నారు. కాగా ఈసారి జరిగిన లోక్ సభ ఎన్నికల్లో కాంగ్రెస్ తరపున మొత్తం 8 మంది అభ్యర్ధులు విజయం సాధించారు.