ముగిసిన సీఎం కొడంగల్ పర్యటన.. కొద్ది సేపట్లో హైదరాబాద్‌‌కు రిటర్న్

దిశ, వెబ్‌డెస్క్: సీఎం రేవంత్ రెడ్డి కొడంగల్ పర్యటన ముగిసింది. దసరా సందర్భంగా సొంత గ్రామం నిన్న (శనివారం) నాగర్‌కర్నూల్ జిల్లాలోని కొండారెడ్డిపల్లిలో పర్యటించిన సీఎం కొద్ది సేపట్లో హైదరాబాద్ తిరిగిరానున్నారు. శనివారం నాడు సొంతూరిలో దసరా వేడుకల్లో పాల్గొన్న రేవంత్.. అక్కడ ప్రత్యేకపూజలు జరిపిన అనంతరం అనేక అభివృద్ధి కార్యక్రమాలను ప్రారంభించారు. అనంతరం ఈ రోజు తన సొంత నియోజకవర్గం కొడంగల్‌కు చేరుకున్న ఆయన.. అక్కడ సన్నిహితులతో కలిసి దసరా సంబరాల్లో పాల్గొన్నారు. వేడుకలు పూర్తి చేసుకుని మధ్యాహ్న భోజనం అనంతరం తిరిగి హైదరాబద్‌కు ప్రయాణం కానున్నారు. నగరానికి చేరుకున్న వెంటనే మాజీ గవర్నర్ బండారు దత్తాత్రేయ ఆధ్వర్యంలో నిర్వహించే అలయ్ బలయ్ కార్యక్రమంలో పాల్గొననున్నారు. ఇదిలా ఉంటే ప్రతి దసరాకి సొంతగ్రామం కొండారెడ్డిపల్లికి వెళ్లడం.. ఆ మరుసటి రోజు కొడంగల్‌కు సీఎం రేవంత్ రెడ్డి వెళ్లడం ఆనవాయితీగా వస్తోంది.