Yadagirigutta: యాదగిరిగుట్టలో మహాకుంభాభిషేక మహోత్సవానికి సీఎంకు ఆహ్వానం..

దిశ, డైనమిక్ బ్యూరో: యాదగిరిగుట్ట(Yadagirigutta)లో ఫిబ్రవరి 19 నుంచి 23 వరకు శ్రీ శ్రీ సుదర్శన లక్ష్మీనరసింహ స్వామి దివ్యస్వర్ణ విమాన గోపుర మహా కుంభాభిషేక కార్యక్రమం నిర్వహించనున్నారు. ఈ మహోత్సవానికి ముఖ్యమంత్రి రేవంత్‌రెడ్డి(CM Revanth Reddy)ని ఆహ్వానించారు. శనివారం సచివాలయంలో సీఎం రేవంత్ రెడ్డిని మంత్రి కొండా సురేఖ (KondaSurekha) ఆధ్వర్యంలో దేవాదాయ శాఖ ముఖ్య కార్యదర్శి శైలజా రామయ్యర్, యాదగిరిగుట్ట ఆలయ ఈవో, అర్చకులు కలిశారు. ఈ సందర్భంగా శ్రీశ్రీ సుదర్శన లక్ష్మీనారసింహ దివ్యస్వర్ణ విమాన గోపురం మహాకుంభాభిషేక మహోత్సవ ఆహ్వాన పత్రికను సీఎం రేవంత్‌కు అందజేశారు.